Breaking News 2

१४ असोज। खोटाङको दिप्रुङ चुइचुम्मा गाउँपालिकाले अति विपन्न नागरिकलाई लक्षित गरी सामाजिक सुरक्षा जीवन निर्वाह भत्ता वितरणको प्रक्रिया अघि बढाएको छ। गाउँपालिकाले भत्ताका लागि ६१८ घरधुरीलाई प्रारम्भिक लाभग्राहीको सूचीमा समावेश गरेको छ। आर्थिक वर्ष २०८३÷०८४ को स्वीकृत वार्षिक बजेट तथा कार्यक्रमअनुसार गाउँपालिकाले नियमित आयस्रोत तथा रोजगारीको अवसर नभएका अति विपन्न परिवारलाई लक्षित गरी लाभग्राही छनोट गरेको हो। वडा कार्यालयमार्फत प्राप्त भएका आवेदनमाथि छानबिन समितिले प्रारम्भिक अध्ययन तथा जाँचबुझ गरेपछि गाउँपालिकाभरबाट ६१८ घरधुरीका आवेदक प्रारम्भिक लाभग्राहीका रूपमा छनोट भएका हुन्। गाउँपालिकाले ‘अति विपन्न नागरिक सामाजिक सुरक्षा जीवन निर्वाह भत्ता वितरण कार्यविधि, २०८३अनुसार छनोट प्रक्रिया अघि बढाएको जनाएको छ। गाउँपालिकाले सार्वजनिक गरेको…

११ असोज ।  खोटाङको दिक्तेल रुपाकोट मझुवागढी नगरपालिकामा नेपाली कांग्रेसले नयाँ नगर नेतृत्व सर्वसम्मत रूपमा चयन गरेको छ। लामो समयदेखि नेतृत्वका विषयमा भइरहेको छलफलले निकास पाएसँगै रामचन्द्र राई नगर सभापतिको जिम्मेवारीमा पुगेका हुन्। नगर अधिवेशनका क्रममा नेतृत्व चयनका लागि विभिन्न चरणमा छलफल भएको थियो। सभापतिका आकांक्षी प्रकाशकुमार श्रेष्ठसहित पार्टीका नेता तथा कार्यकर्ताबीच भएको संवादबाट सहमतिको वातावरण बनेपछि राईलाई सभापतिमा चयन गरिएको हो।नयाँ नगर कार्यसमितिको उपसभापतिमा राजकुमार कटुवाल र महिला उपसभापतिमा मनिला राई चयन भएका छन्। त्यस्तै, सचिवको जिम्मेवारी सागर खनालले पाएका छन् भने सहसचिवमा धनबहादुर श्रेष्ठ चयन भएका छन्। चार दिनदेखि नेतृत्व चयनका विषयमा जारी छलफल टुंगिएसँगै नगर अधिवेशनमा देखिएको…

 ३ असोज  खोटाङको दिक्तेल रुपाकोट मझुवागढी नगरपालिका-२ सोल्मामा अवस्थित हिमालयन माध्यमिक विद्यालय परिसरमा सामूहिक वृक्षारोपण कार्यक्रम आज सम्पन्न भएको छ। वातावरण संरक्षण तथा हरियाली प्रवद्र्धन गर्ने उद्देश्यले ‘हरियाली प्रवद्र्धन, सुरक्षित जीवन-एनएमबि लघुवित्तको अभियान’ भन्ने नारासहित कार्यक्रम सम्पन्न गरिएको एनएमबि लघुवित्त वित्तीय संस्था लिमिटेड हलेसी शाखाका प्रमुख चन्द्रकुमार रम्तेलले जानकारी दिनु भयो। विद्यालय व्यवस्थापन समितिका अध्यक्ष, शिक्षक-शिक्षिका, विद्यार्थी, संस्थाका सदस्य, स्थानीयवासी तथा एनएमबि लघुवित्त वित्तीय संस्था लिमिटेड दिक्तेल र हलेसी शाखामा कार्यरत कर्मचारीहरूको सहभागितामा कार्यक्रम सञ्चालन गरिएको रम्तेलले बताउनु भयो। सहभागीहरूले विद्यालय परिसर तथा आसपासका क्षेत्रमा विभिन्न प्रजातिका बिरुवा रोप्दै वातावरण संरक्षणप्रति सामूहिक प्रतिबद्धता व्यक्त गरेका थिए।कार्यक्रममा विद्यालयका विद्यार्थी तथा शिक्षकहरूको…

 २ असोज, खोटाङमा जिल्ला व्यापी खुला पुरुष फुटबल प्रतियोगिता आयोजना हुने भएको छ। हिङ्गमाङ एकता समाज, खोटाङको आयोजना तथा बोलाउ खोटाङको सहकार्यमा प्रतियोगिता सञ्चालन गर्न लागिएको हो। प्रतियोगिता आगामी असोज २२ गतेदेखि २५ गतेसम्म दिक्तेलस्थित माटिकोरे खेलमैदानमा सञ्चालन हुने आयोजकले जनाएको छ। विभिन्न स्थानका फुटबल टोलीलाई सहभागी गराई खेलाडीको प्रतिभा प्रस्फुटन, खेलकुदको विकास तथा स्वस्थ प्रतिस्पर्धाको वातावरण निर्माण गर्ने उद्देश्यले प्रतियोगिता आयोजना गर्न लागिएको खेल संयोजक डिके-दिनेशले जानकारी दिनुभयो। प्रतियोगितामा सहभागी हुन इच्छुक टोलीले असोज २० गतेभित्र टिम दर्ता गराइसक्नुपर्नेछ। टिम दर्ताका लागि ५ हजार ५ सय रुपैयाँ शुल्क निर्धारण गरिएको आयोजकले जनाएको छ। प्रतियोगिता ९ ‘ए’ साइडमा खेलाइनेछ। प्रत्येक…

१ आश्विन, खोटाङको हलेसी तुवाचुङ नगरपालिका-८ धितुङका २१ वर्षीय हिरोन माझीले थप उपचारका लागि आर्थिक सहयोग गरिदिन अपिल गरेका छन्। बुवा उमेश कुमार माझी र आमा रेखा माझीका छोरा हिरोन करिब १० महिनाअघि गाइघाटबाट नेपालटार जाने क्रममा चुवाडे भन्ने स्थानमा मोटरसाइकल र टिपर एकआपसमा ठोक्किँदा गम्भीर घाइते भएका थिए। दुर्घटनामा हिरोनको हात र खुट्टा भाँचिनुका साथै टाउकोलगायत शरीरका विभिन्न भागमा गहिरो चोट लागेको थियो। दुर्घटनापछि लामो समयदेखि उपचार गराउँदै आएका हिरोनको हाल विराटनगरस्थित विराट नर्सिङ होममा उपचार भइरहेको परिवारले जनाएको छ।दुर्घटनामा टाउकोमा समेत गम्भीर चोट लागेकाले अझै थप उपचार तथा टाउकोको अप्रेसन गर्नुपर्ने अवस्था रहेको हिरोनले बताएका छन्। उपचारका क्रममा…

३१ भदौ, खोटाङको दिक्तेल बजारमा लगातार दोस्रो दिन पनि बजार अनुगमन गरिएको छ। बजारमा बिक्री वितरण भइरहेका अखाद्य तथा पेय पदार्थको गुणस्तर, म्याद र लेबलको अवस्थाबारे निगरानी गर्ने उद्देश्यले सम्बन्धित निकायको संयुक्त टोलीले बुधबार भदौ ३१ गते आज पनि बजार अनुगमन गरेको हो। जिल्ला प्रशासन कार्यालय खोटाङ,घरेलु तथा साना उद्योग कार्यालय खोटाङ, खोटाङ उद्योग वाणिज्य संघ र दिक्तेल रुपाकोट मझुवागढी नगरपालिकासहितका सम्बन्धित निकायको संयुक्त टोलीले दिक्तेल बजारका विभिन्न पसल तथा अखाद्य सामग्री बिक्री हुने स्थानमा पुगेर अनुगमन गरेको जनाएको छ। हिजो भदौ ३० गतेदेखि सुरु गरिएको बजार अनुगमनलाई निरन्तरता दिँदै आज पनि बजारका विभिन्न पसलमा बिक्रीका लागि राखिएका खाद्य तथा…

२७ भदौ, खोटाङको केपिलासगढी गाउँपालिकाले यस वर्ष हरितालिका तीजको अवसरमा आयोजना हुने विशेष कार्यक्रम नगर्ने निर्णय गरेको छ। गाउँपालिकाले सूचना जारी गर्दै देशमा पछिल्लो समय उत्पन्न भएको विपद्को विषम परिस्थितिलाई मध्यनजर गर्दै तीज विशेष कार्यक्रम आयोजना नगर्ने जनाएको हो। गाउँपालिकाका अनुसार भदौ १० गते चीनको तिब्बत क्षेत्रबाट अप्रत्याशित रूपमा आएको उच्च गतिको बाढी नेपालतर्फ प्रवेश गरी रसुवा, नुवाकोट, धादिङ, गोरखा र चितवनलगायतका जिल्लामा ठूलो जनधनको क्षति भएको छ। बाढी तथा अन्य प्राकृतिक विपद्का कारण सयौँ नागरिकको ज्यान गएको, हजारौँ मानिस बेपत्ता भएको तथा देशका विभिन्न स्थानमा भौतिक संरचनामा ठूलो क्षति पुगेको गाउँपालिकाले जनाएको छ।प्राकृतिक विपद्का कारण देशका विभिन्न क्षेत्रमा अहिले…

२४ भदौ, । खोटाङको दिक्तेल रुपाकोट मझुवागढी नगरपालिका–१ स्थित समता स्कुलका विद्यार्थीहरूले भोटेकोशी बाढीपीडितका लागि आफ्नो खाजा खर्चबाट रकम सङ्कलन गरी आर्थिक सहयोग गरेका छन् । विद्यालयमा अध्ययनरत नर्सरीदेखि कक्षा ७ सम्मका करिब ३०० विद्यार्थीले आफ्नो खाजा खर्चबाट रकम बचत गरी रु १३ हजार ७३५ रुपैयाँ सङ्कलन गरेका हुन् । विद्यार्थीहरूले सङ्कलन गरेको उक्त रकम बुधबार आज जिल्ला प्रशासन कार्यालय खोटाङमार्फत प्रधानमन्त्री दैवी प्रकोप उद्धार कोषमा पठाइएको विद्यालयले जनाएको छ।भोटेकोशी क्षेत्रमा आएको बाढीबाट प्रभावित नागरिकको राहत तथा उद्धारमा सहयोग पु¥याउने उद्देश्यले विद्यार्थीहरूले आफ्नो क्षमताअनुसार सहयोग रकम जुटाएका हुन् । सानै उमेरका विद्यार्थीहरूले समेत आफ्नो दैनिक खाजा खर्चबाट रकम छुट्याएर विपद्मा…

२२ भदौ, खोटाङको रावा बेसी गाउँपालिकाले गाउँपालिकाका स्थायी बासिन्दा भई हाल विभिन्न कारणले गाउँपालिकाभन्दा बाहिर बसोबास गर्दै आएका नागरिकलाई लक्षित गर्दै काठमाडौं र इटहरीमा एकीकृत सेवा प्रवाह शिविर सञ्चालन गर्ने भएको छ। गाउँपालिकाका अध्यक्ष फटिक कुमार श्रेष्ठका अनुसार नागरिकलाई स्थानीय तहबाट प्राप्त हुने सेवा लिनकै लागि गाउँपालिकासम्म आउनुपर्ने बाध्यतालाई कम गर्दै उनीहरू रहेकै स्थानबाट सेवा उपलब्ध गराउने उद्देश्यले शिविर आयोजना गर्न लागिएको बताउनु भयो। गाउँपालिकाले जारी गरेको सूचना अनुसार काठमाडौं, भक्तपुर, ललितपुर तथा आसपासका क्षेत्रहरूका साथै पूर्वी तराईका झापा, मोरङ, सुनसरी, उदयपुरलगायत जिल्लामा बसोबास गर्दै आएका रावा बेसी गाउँपालिकाका नागरिकलाई लक्षित गरी शिविर सञ्चालन गरिनेछ। काठमाडौंमा यहि भदौ २५ र…

सुर्खेत । कर्णालीमा यातायात व्यवसायीहरु आन्दोलनमा उत्रिएका छन् । प्रहरीले सुर्खेत बसपार्कबाट पाँच जना यातायात मजदुर पक्राउ गरी मुद्दा चलाएको बिरोधमा कर्णालीमा सञ्चालन भएको सबै यातायात व्यवसायीहरु आन्दोलनमा उत्रिएका हुन् । व्यवसायीहरूले शुक्रबारदेखि सबै सार्वजनिक यातायात सेवा बन्द गर्ने घोषणा गरेका छन् । उनीहरुले प्रहरीले सार्वजनिक सवारीका चालक तथा मजदुरलाई दुःख दिएको आरोप लगाएका छन् । यातायात व्यवसायीहरूले निजी प्रयोजनका लागि दर्ता भएका रातो नम्बर प्लेटका सवारीसाधनहरूलाई नियन्त्रणमा लिनुपर्नेमा त्यसतर्फ कुनै कडाइ नगरी उल्टै सार्वजनिक सवारीमाथि मात्र दबाब सिर्जना गरिएको बताएका छन् । कर्णाली प्रदेशका विभिन्न जिल्लामा रातो प्लेटका सवारी साधनले यात्री बोक्ने गर्दछन् ।  यातयात व्यवसायीले रातो प्लेटका सवारी साधनलाई…