२२ कात्तिक । खोटाङको बराहपोखरी गाउँपालिकामा गाउँपालिकास्तरीय पाँचौँ राष्ट्रपति रनिङ शिल्ड प्रतियोगिता आगामी पौष ३ गतेदेखि सञ्चालन हुने भएको छ। गाउँपालिकाको खेलमैदानमा ३ गतेदेखि ५ गतेसम्म तीन दिन प्रतियोगिता आयोजना गर्न लागिएको हो। राष्ट्रपति रनिङ शिल्ड प्रतियोगिता व्यवस्थापन तथा निर्देशन समितिको २०८३ कात्तिक १६ गतेको निर्णयअनुसार प्रतियोगिता सञ्चालन गर्न लागिएको गाउँपालिका अध्यक्ष शालिकराम बन्जाराले जानकारी दिनुभयो। प्रतियोगितामा चालु शैक्षिक सत्र २०८३ मा कक्षा १२ सम्म नियमित अध्ययनरत १८ वर्षमुनिका छात्रछात्राले सहभागिता जनाउन पाउने भएका छन्। सहभागी हुन इच्छुक विद्यालयहरूले निर्धारित फाराम भरी आवश्यक कागजातसहित पौष १ गते कार्यालय समयभित्र गाउँपालिकाको शिक्षा, युवा तथा खेलकुद शाखामा खेलाडीहरूको विवरण बुझाउनुपर्ने गाउँपालिकाले…
