बाँके।
सामाजिक सञ्जाल व्हाट्सएप मार्फत फिरौती माग्ने एक व्यक्तिलाई प्रहरीले पक्राउ गरेको छ। सुर्खेतको भेरी गंगा नगरपालिका वडा नम्बर ७ काठेघारी निवासी ४१ वर्षीय राम बहादुर बुढा क्षेत्रीलाई इलाका प्रहरी कार्यालय कोहलपुरले नियन्त्रणमा लिएको हो।
प्रारम्भिक अनुसन्धानमा खुलासा भएको अनुसार, उनले विभिन्न विदेशी नम्बरबाट व्हाट्सएपमा संदेश पठाउँदै आफूलाई ‘लोरेन्स बिस्नोई’ र ‘अनमोल बिस्नोई’को नाममा परिचय दिँदै ५ करोड भारतीय रुपैया फिरौती मागेका थिए। उनले रकम नदिए ज्यानको खतरा हुने चेतावनीसमेत दिएका थिएको प्रहरीले बताएको छ ।
प्रहरीले क्षेत्रीको मोबाइल फोनमा विदेशी नम्बरको व्हाट्सएप खाता खोलिएको र उक्त खातामार्फत म्यासेज पठाएको प्रमाणहरु फेला परेका छन् । अनुसन्धानका क्रममा, लोरेन्स बिस्नोई भारतीय ग्याङस्टारको नामले चिनिने एक व्यक्ति हुन्, जसलाई २०१४ देखि हत्या र फिरौती सम्बन्धी अपराधको आरोपमा भारतीय कारागारमा बन्दी बनाइएको छ।
यस्तै, अनमोल बिस्नोई, जो लोरेन्सको भाई हुन्, नेपालमा विभिन्न व्यापारी र उद्योगीहरूलाई धम्की दिएर फिरौती माग्ने कार्यमा संलग्न रहेको प्रहरीको भनाइ छ।
