१६ असोज। खोटाङको हलेसी तुवाचुङ नगरपालिका-१० आर्खौले दुकसिलीकी ७६ वर्षीया चन्द्र लक्ष्मी राई यहि असोज १० गतेदेखि सम्पर्कविहीन हुनुभएको छ। घरबाट बाहिरिनुभएकी राई आफन्त तथा भदै-भदैनीको घरमा भेटघाट गरेपछि घर फर्किने क्रममा सम्पर्कविहीन हुनुभएको परिवारले जनाएको छ। छोरा रमेश राईका अनुसार चन्द्र लक्ष्मी राई घरबाट निस्किएपछि आफन्तको घरमा पुग्नुभएको थियो। त्यहाँ भेटघाट गरेपछि घर फर्किने क्रममा उहाँसँग सम्पर्क टुटेको हो। घर फर्किनुपर्ने समयमा पनि नआएपछि परिवारले आफन्त तथा चिनजानका व्यक्तिहरूसँग सोधपुछ गर्दै खोजी सुरु गरेको जनाएको छ। परिवारका सदस्य तथा आफन्तले उहाँ जान सक्ने सम्भावित स्थान, आफन्तका घर तथा आसपासका क्षेत्रमा खोजी गरे पनि हालसम्म कुनै जानकारी प्राप्त हुन नसकेको छोरा रमेशले बताउनुभएको छ। मोबाइल तथा अन्य माध्यमबाट सम्पर्क गर्ने प्रयाससमेत गरिए पनि उहाँसँग सम्पर्क हुन नसकेको परिवारको भनाइ छ।
परिवारका अनुसार चन्द्र लक्ष्मी राईका श्रीमान पूर्णबहादुर राई हुनुहुन्छ। उहाँको मानसिक तथा स्वास्थ्य अवस्था सामान्य रहेको र दैनिक कामकाजका लागि घरबाहिर निस्कने अवस्था रहेको परिवारले जनाएको छ। आफन्तसँग भेटघाट गरी घर फर्किने क्रममा अचानक सम्पर्कविहीन भएपछि परिवार चिन्तित बनेको छ। राई सम्पर्कविहीन भएको घटनाबारे परिवारले सम्बन्धित प्रहरी कार्यालयमा जानकारी गराइसकेको जनाएको छ। प्रहरीलाई जानकारी गराएपछि सम्भावित स्थानमा खोजी तथा घटनाबारे आवश्यक अनुसन्धान भइरहेको परिवारले बताएको छ। प्रहरीसँगै परिवार तथा आफन्तले पनि आफ्नो तर्फबाट खोजीलाई निरन्तरता दिइरहेका छन्।
परिवारले चन्द्र लक्ष्मी राईको खोजीका लागि स्थानीयवासी, आफन्त, छरछिमेकी तथा सम्भावित स्थानमा रहेका सबैलाई सहयोग गरिदिन आग्रह गरेको छ। उहाँलाई कतै देखेको, भेटेको वा उहाँको अवस्थाबारे कुनै जानकारी प्राप्त गरेको भए नजिकको प्रहरी कार्यालय वा परिवारका सदस्यलाई तत्काल खबर गरिदिन छोरा रमेशले अनुरोध गर्नुभएको छ। ७६ वर्षीया चन्द्र लक्ष्मी राई लामो समयदेखि परिवारको सम्पर्कबाहिर रहनुभएकाले उहाँको अवस्थाबारे जानकारी प्राप्त गर्न परिवारले सबैसँग सहयोगको अपिल गरेको हो। उहाँसम्बन्धी कुनै सूचना प्राप्त भएमा ढिला नगरी प्रहरी वा परिवारसम्म पु¥याइदिनसमेत आग्रह गरिएको छ।
उहाँबारे कुनै जानकारी भए ९७६३७४३४३७ वा ९८०८४६४४१९ मा सम्पर्क गरिदिन परिवारले आग्रह गरेको छ।
