सर्लाही।
सर्लाहीको मलंगवा नगरपालिका वडा नम्बर १० स्थित सहारा गेस्ट हाउसका सञ्चालकलाई धम्क्याएको आरोपमा प्रहरीले हरिवन नगरपालिका वडा नम्बर ६ का २९ वर्षीय अनुक्रम खरेललाई पक्राउ गरेको छ।
बुधबार बेलुका ७ बजे, खरेलले आफू नेपाल प्रहरीको ब्युरोको इन्सपेक्टर हुँ भन्दै होटल सञ्चालकलाई धम्क्याएका थिए। उक्त घटनाबारे जानकारी पाएपछि प्रहरीले खरेललाई नियन्त्रणमा लिइ अनुसन्धान सुरु गरेको छ ।
खरेलको शरीर खानतलासी गर्दा प्रतिबन्धित लागुऔषध स्पास्मो ३ पत्ता (१ पत्तामा ८ वटा) २४ वटा ट्याबलेट फेला परेको प्रहरीले जानकारी दिएको छ। यसबारे थप अनुसन्धान भइरहेको छ र खरेललाई अहिले जिल्ला प्रहरी कार्यालयमा ल्याई थप अनुसन्धान अघि बढाइएको छ। प्रहरीले खरेलमाथि आपराधिक धम्की र लागुऔषधसहितको मुद्दा दर्ता गर्ने तयारी गरिरहेको जनाएको छ।
Advertisement
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
