शान्तिनगर ।
प्रथम बुद्धशान्ति गाउँपालिका वडा स्तरीय पुरुष टि १० क्रीकेट प्रतियोगिताको उपाधि वडा नम्बर १ ले उचालेको छ ।
आज भएको उपाधी भिडन्तमा वडा नम्बर ३ लाई ८ विकेटले पराजित गर्दै १ ले उपाधी उचालेको हो । टस हारेर पहिले ब्याटिङको निम्तो पाएको वडा नम्बर ३ ले निर्धारित १० ओभरमा ७ विकेट गुमाउँदै ७८ रन बनाएको थियो। मध्यम लक्ष्य पाएको वाड नम्बर १ ले ९ ओभरमा २ विकेट गुमाउँदै लक्ष्य प्राप्त गरेको थियो ।
उपाधी उचाले सङ्गै विजेता वाड नम्बर १ ले नगद २० हजार रुपैयाँ ,ट्रफी ,मेडल र प्रमाणपत्र र उपबिजेतामा सिमित वाड नम्बर ३ ले नगद १० हजार रुपैयाँ ,ट्रफी ,मेडल र प्रमाणपत्र प्राप्त गरेको गोकुल पौडेलले जानकारी दिए ।
यता फाइनल खेलको म्यान अफ द म्याच साथै प्रतियोगिताकै उत्कृष्ट ब्याटस्मेन वाड नम्बर १ का पारस निरौला नगद ५ हजार रुपैयाँ सहित सम्मानित भए त्यस्तै प्रतियोगिकै उत्कृष्ट खेलाडी बुद्धशान्ति -३ का आदिहाङ फागोले नगद ५ हजार ५ सय ५५ रुपैयाँ प्राप्त गरे।
त्यस्तै उदयमान खेलाडी बुद्धशान्ति -३ का दिपाङ्कर चौधरी ,क्याच अफ द टुर्नामेन्ट साजन गदाइली ,उत्कृष्ट किपर अर्पन कार्की जनही नगद २ हजार रुपैयाँ सहित सम्मानित भए । उत्कृष्ट बलर वडा नम्बर १ का नमन राउत नगद ३ हजार रुपैयाँ सहित सम्मानित भए भने फेयर प्ले अवार्ड बुद्धशान्ति -५ ले प्राप्त गर्यो ।
खेलाडी उत्पादन ,प्रोत्साहन र पालिका स्तरीय खेलाडी छनौटको उदेश्य राखी प्रतियोगिता आयोजना गरिएको आयोजक वडा नम्बर ३ खेलकुद विकास समितिका संयोजक बिनोद नेङ्बाङले जनाए । प्रतियोगिता बुद्धशान्ति गाउँपालिकाको प्रायोजन तथा गाउँपालिका खेलकुद विकास समितिको समन्वयमा मङ्सिर १३ देखि १५ सम्म संचालन भएको हो ।
