ईम्बुङ पाँचथर ।। पॉचथरको फाल्गुनन्द गाउँपालिका वडा नं.२,इम्बूङमा बराहक्षेत्र कात्र्तिके पूर्णिमा मेलाको अवसरमा आयोजित खुल्ला नकआउट पुरुष फुट्बल प्रतियोगिताको उपाधि नुमाफुङ युथ क्लव फिदिम ७ सिवाले हात पारेको छ ।
सोमबार सम्पन्न फाइनल खेलमा नाम्तोक क्लव फाल्गुनन्द ५ फाक्तेपलाई ट्राइबेकरमा पराजित गर्दै नुमाफुङ युथ क्लवले उपाधि जितेको हो । निर्धारित समयमा दुवै टिमबाट गोल हुन नसकेपछि पेनाल्टी सुटआउटबाट खेलको नतिजा निकालिएको थियो ।
प्रतियोगितामा विजेता नुमाफुङ युथ क्लवले नगद एक लाख दश हजार सहित ट्रफि,मेडल र प्रमाणपत्र प्राप्त गरेको छ भने उपविजेता बनेको नाम्तोक क्लवले सत्तरी हजार रुपैयाँ नगद सहित ट्रफि, मेडल र प्रमाणपत्रमा चित्त बुझाएको छ ।
यसै गरी महिला तर्फको फुट्बल प्रतियोगितामा एस एस एफ सी सुकेपोखरीले उपाधि जितेको छ । फाइनलमा फेमेसुवा लुम्फाबुङलाई शुन्यका विरुद्ध दुइ गोलले पराजित गद सुकेपोखरीले उपाधि जितेको हो । महिलातर्फको विजेताले दश हजार र उपविजेताले पॉच हजार सहित ट्रफि,मेडल र प्रमाणपत्र प्राप्त गरेका छन ।
सोहि अवसरमा कर्ण शान्ति प्रतिष्ठानको मुख्य प्रायोजन तथा टु स्टार ग्रामिण सिर्जनशील क्लवको आयोजनामा प्रथम पुरुष बि लेबल खुल्ला ब्याडमिन्टन प्रतियोगिता समेत सम्पन्न भएको छ । ब्याडमिन्टन प्रतियोगितामा राम धमला र उत्तम राईको टिम प्रथम तथा साहिल राई र पाङवीर नेम्वाङको टिम द्धितिय भएका छन । प्रतियोगितामा पहिलो भएको टिमले नगद १० हजार,द्वितियले ७ हजार र तृतियले २ हजार ५ सय नगद सहित ट्रफि मेडल र प्रमाणपत्र प्राप्त गरेका छन ।
प्रतियोगिताका विजेता टिम तथा खेलाडिहरुलाई समापन कार्यक्रमका प्रमूख अतिथि फाल्गुनन्द गाउँपालिकाका अध्यक्ष बृजहाङ आङ्देम्बे लगायतले पुरस्कार तथा प्रमाणपत्र प्रदान गर्नुभएको थियो । प्रतियोगिता फाल्गुनन्द २ स्थित सत्यहाङ्मा माध्यमिक विद्यालयको खेलमैदानमा सञ्चालन भएको थियो ।
कात्र्तिके पूर्णिमाको अवसरमा बराहक्षेत्र कात्र्तिके पूर्णिमा मेलासँगै स्थानिय टु स्टार ग्रामिण सिर्जनशील क्लवको आयोजनामा फुट्बल,ब्याडमिन्टन तथा सांस्कृतिक कार्यक्रम सञ्चालन गरिएको हो । कात्र्तिके पूर्णिमा मेलाकै अवसरमा रष्ट्रिय कलाकारहरु बिनोद राई,नन्दि गुरुङ लगायतको उपस्थितिमा सांगितिक कार्यक्रम समेत सञ्चालन गरिएको थियो ।
