नेपाल समूह विजेता बन्दै सेमिफाइनलमा प्रवेश

बिर्तामोड कार्तिक ८ ।। साफ च्याम्पियनसिपअन्तर्गत श्रीलंकाविरुद्धको खेलमा ६ – ० गोल अन्तरले विजयी हुँदै नेपाल समूह विजेताका रुपमा सेमीफाइनलमा प्रवेश गरेको छ

दशरथ रङ्गशालामा आजसाँझ  भएको खेलमा श्रीलंकामाथि प्रभावशाली जित निकाल्दै नेपाल सातौंपल्ट साफ च्याम्पियनसिपको सेमिफाइनलमा प्रवेश गरेको छ। पहिलो हाफमा ४-० को अग्रता बनाएको नेपालले दोस्रो हाफमा थप दुई गोल गर्यो ।

नेपाललाई अघिल्लो चरणमा पुर्‍याउन रेखा पौडेलले दुई गोल गरिन्। यस्तै, सविता रानामगर, सावित्रा भण्डारी, अमिषा कार्की र रश्मि घिसिङले समान एक गोल गरे ।

योसँगै नेपाल सात अंकसहित समूह ‘बी’ को विजेता बनेको छ। समान अंक रहेपनि गोलअन्तरको आधारमा भुटान उपविजेता बन्यो। भुटानसँग गोलरहित बराबरी खेलको नेपालले माल्दिभ्सलाई ११–० ले पाखा लगाएको थियो। भुटानले सोही टोलीमाथि १३–० को जित निकालेको थियो ।

नेपालले अब फाइनल प्रवेशका लागि अर्को समूहको उपविजेता भारतरसँग खेल्नेछ भने डिफेन्डिङ च्याम्पियन बङ्गलादेश र भुटानले फाइनल प्रवेशका लागि खेल्ने छन।