समाज

बर्दियामा सशस्त्र प्रहरीको ठूलो सफलता, ४८ लाखको विद्युतीय चुरोट नियन्त्रणमा

Khotang Khabar0 CommentsBreaking News 1, अपराध, ताजा खबर, प्रमुख समाचार, समाचार, समाज

बर्दिया — सशस्त्र प्रहरीले बर्दियामा ठूलो मात्राको अवैध विद्युतीय चुरोट (इलेक्ट्रिक भेप) नियन्त्रणमा लिएको छ । जिल्लाको मधुवन नगरपालिका–५, गाउँ नं. १० फुलाराम चोकबाट भारततर्फ तस्करी हुँदै गरेको ४८ लाख रुपैयाँ बराबरको १ हजार ९ सय २० थान विद्युतीय चुरोट सशस्त्र प्रहरी गस्ती टोलीले नियन्त्रणमा लिएको हो । सशस्त्र प्रहरी नायव निरीक्षक कमल बहादुर नेपालीको नेतृत्वमा खटिएको गस्ती टोलीले उक्त सामान नियन्त्रणमा लिएको कुरा सशस्त्र प्रहरी बल नेपाल नं. ३१ गण हे.क्वा.बर्दियाका सशस्त्र प्रहरी उपरीक्षक मान बहादुर शाहीले जानकारी गराउनुभयो । उहाँले ‘स्पेशम्यान एसपी चालिस हजार’ सो विद्युतीय चुरोटको नाम रहेको बताउँदै प्रति थान २ हजार ५ सय रुपैयाँ बजार…

विद्यालय शिक्षा विधेयक विरुद्ध प्याब्सन बर्दियाको विरोध प्रदर्शन

Khotang Khabar0 Commentsशिक्षा, समाज

बर्दिया — विद्यालय शिक्षा विधेयक विरुद्ध निजी तथा आवासीय विद्यालय संघ (प्याब्सन) बर्दियाले जिल्लाको सदरमुकाम गुलरियामा विरोध प्रदर्शन गरेको छ । प्याब्सनले विद्यालय शिक्षा विधेयक २०८० का केही प्रावधानहरू विभेदकारी भएको भन्दै त्यसमा आवश्यक संशोधनको माग सहित विरोध प्रदर्शन गरेको हो । प्याब्सनद्वारा आयोजित विरोध र्‍यालीले जिल्ला प्रशासन कार्यालय हुँदै गुलरिया बजार परिक्रमा गरेको छ । र्‍यालीमा सहभागीहरुले ‘गुणस्तरीय शिक्षा–निजी विद्यालयको प्रतिवद्धता’, ‘शिक्षा ऐन संशोधन गर’, ‘निजी विद्यालय बन्द गर्ने नीति खारेज गर’ जस्ता नारा लगाएका थिए । प्याब्सनका पदाधिकारीहरुले सङ्घीय शिक्षा ऐनमा निजी विद्यालय बन्द गर्ने गरी ल्याउन लागिएको व्यवस्था विरुद्ध शान्तिपूर्ण रुपमा विरोध गर्न बाध्य भएको बताएका छन्…

बर्दियामा जुवाको खालबाट नगद र तास सहित १० जना नियन्त्रणमा

Khotang Khabar0 CommentsBreaking News 1, ताजा खबर, प्रमुख समाचार, समाचार, समाज

बर्दिया– बर्दियामा जुवा खेलिरहेको अवस्थामा प्रहरीले नगद र तास सहित १० जनालाई नियन्त्रणमा लिएको छ । बर्दियाको बाँसगढी वडा नं.३ शान्तिपुर स्थित खिम बहादुर महतको घरबाट प्रहरीले ५४ हजार ३ सय १५ रूपैयाँ र २ गड्डी तास सहित १० जनालाई नियन्त्रणमा लिएको हो । जिल्ला प्रहरी कार्यालय बर्दिया मातहत रहेको इलाका प्रहरी कार्यालय मोतिपुरबाट खटि गएका प्रहरी टोलीले गोप्य सूचनाका आधारमा राति १२ः१५ बजे छापा मार्दा निज महतको घरबाट नगद, तास र ५ थान मोबाइल फोन बरामद गरेको प्रहरी नायब उपरीक्षक (डिएसपी) चक्र बहादुर डमरपाल जानकारी दिनुभयो । उहाँले पक्राउ परेका व्यक्तिहरुलाई जिल्ला प्रशासन कार्यालय बर्दियाबाट ७ (सात) दिनको म्याद…

गुलरियामा पूर्व प्रहरी दिवस मनाउँदै मन्दिर सरसफाई र वृक्षारोपण

Khotang Khabar0 CommentsBreaking News 2, प्रमुख समाचार, समाचार, समाज

बर्दिया– नेपाल पूर्व प्रहरी दिवसको अवसरमा बर्दियाको गुलरियामा मन्दिर सरसफाई र वृक्षारोपण कार्यक्रम गरिएको छ । नेपाल पूर्व प्रहरी संगठन जिल्ला कार्य समिति बर्दियाले गुलरिया–५ स्थित सन्तोषी माताको मन्दिरमा उक्त कार्यक्रमको आयोजना गरेको हो । सो अवसरमा जिल्ला प्रहरी कार्यालय बर्दियाबाट प्रहरी निरीक्षक भुपेन्द्र शाहीको नेतृत्वमा १५ जना प्रहरी कर्मचारी सहभागी भई मन्दिर परिसर सफा गर्नुका साथै विभिन्न जातका फलफुलका विरुवा रोपिएका थिए । स्थानीयवासीले प्रहरी तथा पूर्व प्रहरी संगठनले अघि सारेको यस पहलले धार्मिक स्थलको संरक्षण र वातावरणीय सन्तुलन कायम गर्न महत्वपूर्ण योगदान पुगेको बताएका छन् । यस किसिमका कार्यक्रमले समुदायमा सरसफाई र हरियाली संरक्षणको महत्वलाई बढावा दिने विश्वास…

बर्दियामा चितुवाको आक्रमणबाट महिलाको मृत्यु, गुलरियामा स्थानीयद्वारा प्रदर्शन

Khotang Khabar0 CommentsBreaking News 1, ताजा खबर, प्रमुख समाचार, समाचार, समाज

बर्दिया — बर्दियाको गुलरिया नगरपालिका वडा नं. १२, भैसाहीमा चितुवाको आक्रमणबाट एक महिलाको मृत्यु भएको छ । शुक्रबार बेलुकी खेतमा धान गोड्न गएकी ४५ वर्षीया जगतरानी थारु शनिबार बिहान खेत नजिकैको उखुबारीमा मृत अवस्थामा भेटिएकी हुन् । घटनापछि स्थानीयबासीले गुलरिया बजारमा ¥याली प्रदर्शन गर्दै जिल्ला प्रशासन कार्यालय बर्दियालाई बाघ नियन्त्रणमा लिन र अब यस किसिमको घटना नदोहरिने सुनिश्चित गर्न ठोस कदम चाल्नुपर्ने लगायतका माग गरेका छन् । घटनास्थलमा मृतकको साइकल, घाँस भएको बोरा, फरुवा र हँसिया फेला परेको थियो । त्यहाँ चितुवाको पञ्जाको छाप र रगतको टाटो पनि देखिएको थियो । स्थानीय सुरज चौधरीले मृतकको शरीर टाउको अलग भएको अवस्थामा…

बर्दिया लगायत ४१ जिल्लामा बाढीको जोखिम

Khotang Khabar0 CommentsBreaking News 1, ताजा खबर, प्रमुख समाचार, समाचार, समाज

बर्दिया– जल तथा मौसम विज्ञान विभागले बर्दिया सहित देशभरका ४१ जिल्लामा आकस्मिक बाढीको जोखिम रहेको सुचना दिएको छ। विभागले लुम्बिनी, कर्णाली र सुदूरपश्चिमका धेरै जिल्लासहित पूर्व, मधेस र गण्डकीका केही जिल्लामा नदी–खोलाको बहाव बढेर आकस्मिक बाढीको जोखिम हुने अनुमान गरेको हो । कपिलवस्तु, वाग्लुङ, अर्घाखाँची, प्यूठान, दाङ, बाँके, बर्दिया, रोल्पा, सल्यान, रुकुम पश्चिम, जाजरकोट, दैलेख, कालिकोट, बाजुरा, बझाङ, दार्चुला, बैतडी र आसपासका जिल्ला हुँदै बहने नदीहरूको बहाव उल्लेख्य बढ्ने विभागले जानकारी दिएको छ । त्यस्तै, डोटीदेखि कञ्चनपुरसम्मका केही नदी तथा खोलामा आकस्मिक बाढीको खतरा रहेको छ भने पूर्वी जिल्लाहरूको नदी तथा खोलामा पनि जोखिमको पूर्वानुमान गरिएको छ । आज बिहानको…

आयोगको निर्णय, नाउपाको अध्यक्षमा रञ्जिता यथावत

Khotang Khabar0 CommentsBreaking News 1, ताजा खबर, प्रमुख समाचार, समाचार, समाज

काठमाडौं – निर्वाचन आयोगले नागरिक उन्मुक्ति पार्टी (नाउपा) को अध्यक्षमा रञ्जिता श्रेष्ठ यथावत रहने निर्णय गरेको छ । आयोगले राजनीतिक दलसम्बन्धी ऐन र पार्टीको विधानका आधारमा श्रेष्ठ नै अध्यक्ष कायम रहने निर्णय गरेको हो । साउन १५ गते काठमाडौंमा सम्पन्न नाउपाको राष्ट्रिय भेलाले लालवीर चौधरीलाई अध्यक्ष चयन गरी आयोगमा अद्यावधिक गर्न निवेदन थियो । आयोगले पार्टी दर्ता हुँदा २१ सदस्यीय केन्द्रीय समितिमा चौधरीको नाम समावेश नभएकाले उहाँलाई अध्यक्षको रूपमा मान्यता दिन नसकिने निर्णय गरेको समेत स्रोतले जानकारी गराए । स्रोत भन्छन्, बर्दियाबाट २०७९ को निर्वाचनमा स्वतन्त्र उम्मेदवारका रूपमा प्रतिनिधि सभा सदस्यमा निर्वाचित भएपछि मात्र चौधरी नाउपामा प्रवेश गरेको थिए ।…

अपरिचित फोन कल र अफवाहप्रति सचेत रहन बर्दिया प्रशासनको आग्रह

Khotang Khabar0 CommentsBreaking News 1, अपराध, ताजा खबर, प्रमुख समाचार, समाचार, समाज

बर्दिया — जिल्ला प्रशासन कार्यालय, बर्दियाले अपरिचित फोन कल र अफवाहप्रति सचेत रहन आग्रह गरेको छ । प्रशासनले पत्र जारी गर्दै सामाजिक संजाल र अपरिचित फोन कलमार्फत फैलिरहेका ठगी, झूटा सूचना र अफवाहबाट सचेत रहन सबै नागरिकलाई आग्रह गरेको हो । सहायक प्रमुख जिल्ला अधिकारी रोशन कुमार कठायतद्वारा जारी पत्रमा विगत केही समयदेखि सामाजिक संजालमा विभिन्न खालका झूटा फोनकल, समाचार, अफवाह तथा गलत सूचना अत्यावश्यक रूपमा फैलिरहेको र जनसमुदायमा भय, असमझदारी, सामाजिक द्वन्द्व आर्थिक रुपमा ठगी लगायतको घट्ना बढिरहेको उल्लेख गरिएको छ । प्रशासनले उल्लेखित घट्ना प्रति ध्यानाकर्षण गराउँदै फोन कल, मेसेन्जर र अन्य सञ्चार माध्यमबाट विदेश पठाउने, पुरस्कार पाउने…

करिब ३ लाख बराबरको अवैध फेन्सी सामान बर्दिया प्रहरीको नियन्त्रण

Khotang Khabar0 CommentsBreaking News 1, अपराध, ताजा खबर, प्रमुख समाचार, समाचार, समाज, सामाजिक सञ्जाल

रन्जित बिक्रम शाह बर्दिया – बर्दिया प्रहरीले करिब तीन लाख बराबरको अवैध फेन्सी सामान नियन्त्रण लिएको छ । जिल्ला प्रहरी कार्यालय बर्दिया मातहत रहेको इलाका प्रहरी कार्यालय ढोढरीबाट खटिएको प्रहरी गस्ती टोलीले ठूलो परिमाणको अवैध फेन्सी सामान नियन्त्रण लिएको हो । जिल्लाको मधुवन नगरपालिका वडा नं. ३ स्थित धनौरा सिमलचोकमा प्रहरीले अवैध रूपमा नेपाल ल्याउँदै गरेको फेन्सी कपडा नियन्त्रणमा लिएको इलाका प्रहरी कार्यालय ढोढरीले जनाएको छ । शुक्रबार राति करिब ९ः३० बजेको समयमा भारतबाट भन्सार छलि नेपाल तर्फ ल्याउदै गरेको ३ सय १० पिस फेन्सी सामान पक्राउ गरिएको प्रहरीले बताए । प्रहरीका अनुसार नियन्त्रणमा लिइएका सामानमा २ सय ६८ पिस…

गुलरियामा गुञ्जियो गाईजात्रा, संस्कृति र सम्झनाको उत्सव

Khotang Khabar0 CommentsBreaking News 3, ताजा खबर, प्रमुख समाचार, समाचार, समाज

बर्दियाको गुलरियामा गाईजात्रा उत्साह र नाचगान सहित भव्य रूपमा मनाईएको छ । स्व. गोपालमान श्रेष्ठको सम्झनामा नेवा देय दवु गुलरिया नगर कमिटीद्धारा आयोजित गाईजात्रा परम्परागत पोशाक, बाजागाजा र नाचगान सहित गुलरिया बजार परिक्रमा गर्दै मनाईएको हो । गाईजात्रामा सहभागीहरूले स्व. श्रेष्ठको योगदान स्मरण गर्दै श्रद्धाञ्जली अर्पण गरेका थिए । नेवारी परम्पराअनुसार गाईजात्रा दिवंगत परिवारजनको सम्झनामा आत्मा शान्तिको लागि गाई वा गाईको प्रतिक (मानिसले गाईको भेषमा) निकालिन्छ । लाखे नाचले कार्यक्रमलाई थप आकर्षक बनाएको थियो । नेवा दय दवुका अनुसार, सांस्कृतिक धरोहर जोगाउने र आगामी पुस्तालाई यसको महत्व बुझाउने उद्देश्यका साथ गाईजात्राको आयोजना गरिन्छ ।