१३ वर्षीया बालिकामाथि जबरजस्ती करणी गरेको आरोपमा २४ वर्षीय युवक पक्राउ।

स्याङ्जा ।
पुतलीबजार नगरपालिका वडा नम्बर ७ बस्ने २४ वर्षीय सुन्दर गौतमलाई १३ वर्षीया बालिकामाथि जबरजस्ती करणी गरेको अभियोगमा मंगलबार प्रहरीले पक्राउ गरेको छ।
प्रहरीका अनुसार सुन्दरले ती बालिकालाई शनिबार जबरजस्ती करणी गरेको भन्ने उजुरी परेपछि जिल्ला प्रहरी कार्यालय स्याङ्जाबाट खटिएको टोलीले उनलाई पक्राउ गरेको हो। घटनाको सम्बन्धमा थप अनुसन्धानका लागि जिल्ला अदालत स्याङ्जाबाट म्याद थप अनुमति लिइएको प्रहरीले जनाएको छ।
हाल सुन्दरमाथि जबरजस्ती करणी मुद्दामा अनुसन्धान भइरहेको छ।