बाँके।
इजरायलले गाजा पट्टीमा पुन: हवाई आक्रमण सुरु गरेको छ। सोमबार राति र मंगलबार बिहान गाजा क्षेत्रमा धेरै विस्फोटहरूको आवाज सुनिएको छ। गाजाको स्वास्थ्य मन्त्रालयका अनुसार, इजरायली हवाई हमलामा कम्तीमा ४४ जना मृत्यु भएको छ। अन्तर्राष्ट्रिय मिडियाका अनुसार, १९ जनवरीको युद्धविरामपछि यी इजरायलीका गाजा विरुद्धका सबैभन्दा ठूलो आक्रमण हो। यो आक्रमण तब भएको छ , जब दुवै पक्षबीच युद्धविरामलाई अगाडि बढाउने कुरामा वार्ता अलपत्र पर्यो।
इजरायल र हमास बीचको १९ जनवरीको युद्धविराम सम्झौतामा कसरी कायम राख्ने भन्नेमा असहमतिका कारण वार्ता असफल भएको छ। अमेरिका र अरब मध्यस्ताहरूले पछिल्ला दुई हप्तामा दुवै पक्षलाई युद्धविराममा सम्झाउन असफल भएका छन्। इजरायली सेनाले भनेको छ कि यसले गाजामा हमासका सैन्य ठिकाना माथि हवाई हमलाहरू गरेको छ। इजरायली सेनाले टेलिग्राममा गरेको एक पोष्टमा भनिएको छ कि गाजा पट्टीमा हमासका ठिकानामा व्यापक हवाई हमलाहरू गरिएका छन्। अर्कोतिर, स्थानीय चिकित्सकहरूको भनाइ अनुसार, नागरिक, बालबालिका र महिलाहरू यी हमलाहरूको शिकार बनेका छन्। चिकित्सक र प्रत्यक्षदर्शीहरूको अनुसार, मध्य गाजाको दीर अल-बलाहमा तीन वटा घर, गाजा शहरको एक भवन, र खान यूनिस र राफा क्षेत्रमा सैन्य ठिकाना माथि बम हमला गरिएका छन्।
