२८ भदौ, खोटाङको दिक्तेल रुपाकोट मझुवागढी नगरपालिकाले रसुवाको भोटेकोसी क्षेत्रमा बाढीका कारण विस्थापित भएका परिवारका लागि अस्थायी आवास निर्माण गर्न करिब दुई हजार थान बाँसका चित्रा पठाउने तयारी गरेको छ। गत भदौ १० गते आएको भोटेकोसी बाढीका कारण रसुवाका विभिन्न क्षेत्रमा ठूलो जनधनको क्षति हुनुका साथै थुप्रै परिवार विस्थापित भएका थिए। बाढीका कारण घर तथा आवास गुमाएका परिवारका लागि तत्काल अस्थायी टहरा निर्माण गर्न आवश्यक सामग्री सहयोग गर्ने उद्देश्यले नगरपालिकाले चित्रा बुन्ने र पठाउने तयारी अघि बढाएको नगर प्रमुख तीर्थराज भट्टराईले बताउनुभयो। बाढी प्रभावित क्षेत्रमा अस्थायी टहरा निर्माणका लागि सुरुमा बाँस उपलब्ध गराउने योजना बनाइएको भए पनि प्रभावित क्षेत्रमा बाँसको…
