रसुवाको बाढीमा बर्दियाका पाँच जना बेपत्ता

रसुवामा आएको बाढीमा बर्दियाका पाँच जना बेपत्ता भएका छन् । जिल्लाकाे बारबर्दियाबाट रसुवामा काम गर्न गएका पाँच युवाहरू बेपत्ता भएका हुन् । उत्तरी छिमेकी राष्ट्र चीनतर्फबाट रसुवागढी नाका भई नेपाल प्रवेश गरी भोटेकोशी नदीमा आएको बाढीमा बर्दियाका ५ जना नागरिक बेपत्ता भएको जानकारी प्राप्त भएको कुरा जिल्ला प्रशासन कार्यालय बर्दियाका सहायक प्रमुख जिल्ला अधिकारी राेशन कुमार कठायतद्वारा जारी पत्रमा उल्लेख गरिएकाे छ । साे पत्रमा निजहरुको स्थायी ठेगाना एकीन नभएकाे र खोजीका लागि प्रशासन कार्यालयले सम्बन्धित निकायमा पहल गरिरहेकाे जनाईएकाे छ । बारबर्दिया नगरपालिका वडा नं. १० बस्ने जिपन चौधरी, सन्तोष दहित, बुद्धिराम थारु, लक्ष्मीनारायण थारु र सुरेश थारु बेपत्ता…

नेपाल कम्युनिष्ट पार्टी एकीकृत समाजवादी (नेकपा एस) जिल्ला कमिटी बर्दियाले विभागीय जिम्मेवारी निर्धारण गर्दै संगठन विस्तार र सुदृढीकरणमा विशेष जोड दिएको छ । नेकपा एस जिल्ला कमिटी बर्दियाको पहिलो पदाधिकारी बैठकबाट पदाधिकारीहरूबीच विभागीय जिम्मेवारी निर्धारण गर्नुका साथै संगठन सुदृढीकरण र विस्तारमा विशेष जोड दिईएको हाे । बैठकले अध्यक्ष बखतबहादुर खड्कालाई पार्टी स्कुल विभाग, उपाध्यक्ष प्रताप कुमार गौतमलाई प्रचारप्रसार तथा जनकार्य विभाग, बमबहादुर रावललाई सामाजिक विभागको जिम्मेवारी दिएको छ । यसै गरी सचिव इन्द्रबहादुर रावल संगठन विभाग, उपसचिव अग्निप्रसाद अर्याल उद्योग, वाणिज्य, आपूर्ति तथा कृषि विभाग, दानबहादुर बुढा युवा, विद्यार्थी तथा खेलकुद विभाग र गंगा चालिसे महिला विभागमा जिम्मेवारी पाएका छन्…

राजेश कुर्मि नेपाली कांग्रेस बर्दियाको मधुवन नगर समिति सचिव लक्ष्मण पाण्डेका नाममा दुई वर्षअघि नै जिल्ला अदालत बर्दियाले पक्राउ पुर्जी जारी गरेको खुलेको छ । मधुवन नगरपालिका वडा नं. ३, विपतपुर निवासी ३१ वर्षीय पाण्डेमाथि सालको काठ चोरी गरेको अभियोगमा २०८० सालमा मुद्दा दर्ता भएकाे थियो । सिद्धा कुमारी शाहीको जाहेरीले नेपाल सरकारलाई वादी र पाण्डेलाई प्रतिवादी बनाइएको कुरा अदालतद्वारा जारी पक्राउ पुर्जीमा उल्लेख गरिएकाे छ । पक्राउ पुर्जीमा मुद्दा नं. ०८०-c२-०००३ का प्रतिवादी पाण्डेलाई अदालतले दिएकाे उपस्थिती म्याद सकिएपछि म्यादवाला व्यक्ति वा निजको एकाघरको उमेर पुगेका परिवारको सदस्य समेत घरमा फेला नपरेकोले दैलाेमा सबैले देखे गरि पक्राउ पुर्जी टाँस…

बर्दियाको बढैयाताल गाउँपालिका वडा नं. ७ स्थित कर्णालीपुरबाट प्रहरीले लागुऔषध ब्राउन सुगरसहित दुई जनालाई पक्राउ गरेको छ । प्रहरीले जिल्लाको बढैयाताल गाउँपालिका–७, पडरिया बस्ने २२ वर्षीय आकाश बहादुर मगर र २८ वर्षीय देवसिंह ठकुरीलाई लागुऔषध ब्राउन सुगरसहित पक्राउ गरेको हो । जिल्ला प्रहरी कार्यालय बर्दिया मातहत रहेको प्रहरी चौकी कालिकाबाट खटि गएको प्रहरी टोलीले असार १९ गते दिउँसो करिब ३ः३० बजे भारतको बलेगाउँबाट नेपालतर्फ आउँदै गरेका दुई जना पैदल यात्रुलाई शंकाको आधारमा चेकजाँच गर्दा लुकाइछिपाई प्लास्टिकको पुरिया बनाएर राखिएको लागुऔषध ब्राउन सुगर फेला पारी पक्राउ गरेको कुरा जिल्ला प्रहरी कार्यालय बर्दियाका प्रहरी नायब उपरीक्षक चक्र बहादुर डमरपालले बताउनुभयो । उहाँले…

रन्जित शाह बर्दिया कारागार भित्रबाट ५ ग्राम लागुऔषध गाँजा बरामद भएको छ । असार १२ गते विहान जिल्ला प्रहरी कार्यालय बर्दियाका प्रहरी टोलीले चेकजाँच गर्दा सो लागुऔषध बरामद भएको थियो । जिल्ला प्रहरी कार्यालय बर्दियाबाट प्रहरी निरिक्षकको कमाण्डमा खटिएको प्रहरी टोलीले बर्दिया कारागारमा रहेका कैदीबन्दीको विस्तरामा लुकाइछिपाई राखेको अवस्थामा लागुऔषध गाँजा फेला पारेको कुरा प्रहरी नायव उपरिक्षक चक्र बहादुर डमरपालले बताउनुभयो । उहाँले यस विषयमा थप अनुसन्धान समेत भईरहेको जानकारी गराउनुभयो । कर्तव्य ज्यान मुद्धामा सजाय भुक्तानी गरिरहेका सोहन ढकालको विस्ताराबाट उक्त लागुऔषध बरामद भएको स्रोतले बताए । स्रोतले भने, “कारागार भित्रबाट नै लागुऔषध बरामद हुनु गम्भीर विषय हो ।…

बर्दियाकाे राजापुर नगरपालिका र कैलाली जिल्ला जाेड्ने कर्णाली नदीको सत्तिघाट पुल नभासिएकाे र हिँड्न सुरक्षित रहेको जिल्ला प्रशासन कार्यालय बर्दियाले स्पष्ट पारेकाे छ । प्रशासनले सामाजिक सञ्जालमा साे पुल भासिई असुरक्षित रहेको भन्दै गरिएको प्रचारप्रति गम्भीर ध्यानाकर्षण जनाउँदै प्रचार पूर्ण रूपमा भ्रामक भएको प्रष्ट पारेकाे हाे । असार १५ गते केही व्यक्तिहरूले टिकटक तथा फेसबुकजस्ता सामाजिक सञ्जालमा पुल भासिएकाे भिडियो अपलोड गरेपछि प्रशासनले ध्यानाकर्षण पत्र जारी गर्दै उक्त भिडियाेमा देखाईएकाे दृश्यहरू विगत वर्षकाे र यस वर्ष कुनै समस्या नरहेकाे बताएकाे छ । सहायक प्रमुख जिल्ला अधिकारी रोशन कुमार कठायतद्वारा जारी पत्रमा झूठो र भ्रामक जानकारीसहित भिडियो अपलोड गरी त्रास फैलाउने…

काठमाडौँ । उपप्रधानमन्त्री एवं अर्थमन्त्री विष्णुप्रसाद पौडेल र विश्व बैंकका दक्षिण एसिया हेर्ने उपाध्यक्ष मार्टिन राइजरसँग शिष्टाचार भेटवार्ता भएको छ । सो अवसरमा नेपाल सरकार र विश्व बैंकबीच आगामी साझेदारीका विषयमा छलफल भएको छ ।  

काठमाडौं । प्रतिनिधिसभाको आजको बैठकमा नेपाल कम्युनिष्ट पार्टी (एमाले)का मुख्य सचेतक महेशकुमार बर्तौलाले साउदी अरबमा रोजगारदाता कम्पनी बन्द भएर अलपत्र परेका नेपालीको उद्धार गर्न सरकारको ध्यानाकर्षण गराएका छन् । बैठकको आकस्मिक समयमा उनले साउदी अरबको जुवेल सहरमा सेन्ड्रन इन्टरनेसनल कम्पनी लिमिटेड बन्द भएपछि सो कम्पनीमा कार्यरत चार सय ६९ जना नेपाली अलपत्र परेकाले तत्काल उद्धार र सहयोग गर्न सरकारको ध्यानाकर्षण गराएका हुन् । “रोजगारदाता कम्पनी बन्द हुँदा कामविहीन भएका चार सय ६९ मध्ये दुई सय २६ जनाले नेपाल फर्कन चाहेका छन् । त्यहाँको दूतावासमा सम्पर्क गरेर उनीहरू नेपाल फर्कन चोहका बताएका छन्” सांसद बर्तौलाले भने, “रोजगारविहीन भएकामध्ये दुई सय ४३…

काठमाडौँ । प्रधानमन्त्री केपी शर्मा ओलीले गैह्रआवसीय नेपाली सङ्घलाई एकताबद्ध, मर्यादित र उद्देश्यकेन्द्रित बनाउन आग्रह गरेका छन् । सङ्घद्वारा आयोजित ‘एनआरएनए ग्लोबल कन्क्लेभ’ को आज उद्घाटन गर्दै प्रधानमन्त्री ओलीले यो संस्थाको उद्देश्यसँग नमिल्ने प्रवृत्तिहरु देखा पर्नु उचित नहुनेमा जोड दिँदै संकीर्ण भावना त्यागेर उन्नतस्तरको एकतामा लाग्न आग्रह गरे । “आपसमा मिलेर एकताबद्ध भएर जानुपर्ने ठाउँमा यस्तो साझा संस्थामा विवाद हुनुन उचित होइन । व्यक्तिका लागि विधान फेर्ने ढंगले संस्था चल्न सक्दैन । महाधिवेशनमा हानाहन र ठोकाठोकको स्थिति हुँदा राम्रो सन्देश जाँदैन । यसमा विवेक र तर्कले कम गरोस् । व्यक्तिगत स्वार्थका लागि जे पनि गर्ने थलोका रुपमा यो विकास नहोस्…